Posts Tagged ‘فنلندا’

يرحم أمك يا سبايو لا تدعي للإسلام !

25 يناير 2010
بسم الله الرحمن الرحيم
وربي نفسي أبكسني عالغباء اللي كان فيا وقتها :”( <<< وما زاآل -_-
قبل سنتين تقريبا فتحت منتدى أجنبي و جلست افرفر في بروفايلات الأوادم ..
ادور على أحد حاط ايميله عشان أضيفه عالمسن و ادعيه للإسلام -_-

لقيت وحدة و أضفتها بعد كم يوم لقيتها اون لاين .. هرجت معاها و عرفت انها من فنلندا الشقيقة ..
من أول محادثة ارسلت لها روابط بالانجليزي عن الإسلام .. قالت لي الروابط محجوبة .. نشبت لها وارسلت غيرها
بابا قالي انو مو أول ما تكلميها >< فصرت اتكلم معاها عادي ..
و اهرج عن الانميات P: وبلدها .. ولا أنسى كيف استفدت منها لآخر قطرة في الانجليزي خخخ
سويت معاها مقابلة عن العادات والتقاليد في بلدها كنشاط للمادة ^^”
ارسلت لي صور بسسها ^,^ كان عندها بستين ولد وبنت واسماؤهم غريبة ..
سويت عليهم تصميم خخخ وارسلته لها .. كدا ضربت صحبة معاها P:

كنا نهرج عن حلقة من انمي فيها الولد والبنت يعيشوا مع بعض ..
قالت ايوا انا ما حبيت دي الحلقة عشان كدا :/ انا على بالي انها مؤدبة
سألتها عن رأيها في الإسلام قالت والله يجي منه .. حسيت فيه أمل
ارسلت لها قرآن بصوت مشاري العفاسي قالت ما يشتغل وافتكر خليتها تحمل الريل بلاير
عشان تعرفوا بس قد ايش انا نشبة P: قالت زي الأشياء اللي يقولوها في الكنيسة :/

مرة من المراريت نشبت لها وهي طفشت عاد !!قالت : خلاص يا بنت الحلال
الإسلام ما حيقبلني أصلا ! انا : مين قلك ؟ الإسلام يقبل كل الناس ..
قالت : I like girls ! كأني فهمتها بس حبيت اتأكد .. بعد ما تأكدت .. قلت برضو الإسلام يقبل 🙂
و مع وجهي ! حكيتها قصة قوم لوط .. لحد يسأل كيف قدرت اكتبها بالانجليش ><
انا نفسي ما اعرف ههههههه البنت وصلت حدها و انا كمان لمن شفت مافي أمل

دخلتني في محادثة مجمعة مع صاحبها .. كان اسمه هارت
قلت : معليش ما اكلم اولاد .. قال yeah I know muslims XP
قلت : تحب الإسلام ؟ :] << الله …. ما ابغا ادعي عليا بس ><  قال : لا ! الإسلام كدا وكدا و جلس يسب !
أنا : مين قلك ؟ وأحاول أدافع .. قال : البنت في الإسلام ما عندها حقوق وانتو مسووين لكم غسيل دماغ !
وقتها حطوا الغدا وكان لازم أروح ! قلت دقيقة وراجعة .. قال : ايوا اهربي عشان ما عندك دليل تدعمي فيه كلامك
قلت له بس اتغدا وارجع ! وأضفته عالمسن عشان بعدين افضاله و اشرح له الإسلام و الحجاب و الجوهرة .. إلخ
لمن فضيت كلمته و طلع اللي معطيه دي الفكرة الغلط عن الإسلام هي وحدة عربية !!
في النهاية استسلمت و عرفت اني ماني قدها !! ماني قدها أبدا ×_× و الآدمي يحسب نفسه صح !
و البنت تحسب نفسها صح ! حذفت ايميلها من عندي بس ما سويتلها بلوك .. قلت لعل وعسى ..
كتبت دي القصة عشان احذر كل من تسول له نفسه أن يدعو للإسلام وهو ما يجي منه ..

يعني انا بتصرفي دا نفرتهم من الإسلام .. و سبتهم مع فكرة أسوأ عنهـ للأسف 😦

الله يسامحني بس .. والله مرة حاسة بالذنب .. اووهـ صح !

ترا بعد فترة جاني فيروس منها وحملته انا ووجهي >< سألتها كيف اشيله ؟

قالت ايش يدريني !؟ شايفتني كمبيوتر قيك ؟ قلت طيب لا تعصبي -_-

و بلووكـ … سحقا لهـا :@ احم بس الله يهديها <<< ايش التناقض دا ؟

ملاحظة // لحد يعلق عالترجمة ! المهم بما معناهـ يعني ..

في أمـاآن الله

Advertisements