مدونة لمتابعة مشروع الطبخ Afnan’s Cooking

5 سبتمبر 2010

بسم الله الرحمن الرحيم

سويت مدونة خاصة بمشروع الطبخ Afnan’s Cooking

<< بس ايش رايكم في الشيء الكيوت ؟ سويته قبل أكثر من سنة =$

حاكمل بإذن الله تدوينات المشروع هناك لانها مرة مسوية زحمة هنا

+ شفت جزء من فيلم Julie & Julia والبطلة فاتحة مدونة خاصة للطبخ قلت أقلدها :mrgreen:

للي مو داري ايش الهرجة من البداية يلقي نظرة على دي التدوينة

باختصار اني قبل اسبوعين قررت ابدأ مشروع يومي عشان اتعلم الطبخ ولمدة 43 يوم بإذن الله

خلصت اسبوعين و 13 تدوينة .. باقي 30 تدوينة و إن شاء الله أخلصها على خير

تدوينات المشروع اللي هنا حاحذف بعضها بس تلاقوها كلها في مدونة الطبخ

شكرا على متابعتي و تشجيعي !

الإعلانات

8 ~ فيليه سمك مع الصلصة الحارة ، شوربة صينية

31 أغسطس 2010

بسم الله الرحمن الرحيم

اليوم الأكل مررة طعم =$

و أعتذر مرة أخرى عن التأخير .. في النهاية حالطشني <_<

التدوينة طويلة شوية في المقادير و يمكن تفجع بس ترا سهلة الطبختين

~::~

فيليه السمك مع الصلصة الحارة

المكونات :-

  • كيس فيليه سمك
  • زيت قلي

  • التتبيلة:
  1. شوية كزبرة
  2. ملعقة صغيرة ثوم بودرة
  3. ملعقة صغيرة كمون
  4. نص ملعقة صغيرة فلفل أسود
  5. نص مكعب ماجي
  6. شوية ملح
  7. عصير نص ليمونة
  8. شوية شطة
  • التغطية:
  1. دقيق
  2. 3 بيضات
  3. بقسماط

الصلصة الحارة :-

  1. بصلة مفرومة
  2. حتبين فلفل حار ، انا حطيت وحدة حمرا و وحدة خضرا
  3. نص علبة مشروم
  4. صلصة طماطم
  5. مكعب ماجي
  6. ملعقتين كبيرة صويا
  7. نص ملعقة صغيرة فلفل أسود
  8. نص ملعقة صغيرة شطة
  9. ملعقة صغيرة ثوم بودرة
  10. شوية ملح
  11. كوب موية
  12. ملعقتين صغيرة نشا مذوب في شوية موية

~::~

الطريقة :-

  • نخلط مقادير التتبيلة و نحط السمك فيها لمدة 3 ساعات أو أكثر

  • بعدين نغطيه أول شيء بالدقيق ثم البيض ثم البقسماط

  • و نقليه =)

  • أما الصلصة الحارة فنخلط كل الأشياء – ما عدا النشا – على نار متوسطة
  • بعدين نضيف النشا المذوب في موية و نحرك =)

وبس =$

بالعافية =)

الوصفة اللي استخدمتها ~ فيليه السمك مع الصلصة الحارة…ولا أطيب !

~::~

الشوربة الصينية

المكونات :-

  • نص صحن صدور دجاج مقطع صغير صغير :mrgreen:
  • جزر مقطع صغير صغير برضو
  • كاستين أو 3 موية =/ مكتوب في الوصفة نص كاسة وانا ما أثق صراحة
  • نص علبة مشروم ( الباقية من فوق :mrgreen: )
  • شووووييية زعفران الأصفر ( ملون الطعام ) =$
  • نص اصباع زبدة
  • ملعقتين دقيق
  • 3 ملاعق حليب بودرة
  • ملعقة كبيرة نشا مذوب في شوية موية
  • مكعب ماجي
  • ملح

~::~

الطريقة :-

بودي اقدر اقول حطوا كل شيء مع بعض في قدر بعدين استنو 5 دقايق و تجهز الشوربة بس الأمر ليس بهذه السهولة ، طبعا هذا لا يدل على انه صعب بس يعني 😛 المهم ..

  • نحط الدجاج المقطع في قدر مع الموية و نسلقه لمدة ربع ساعة تقريبا
  • في مقلاة نذوب الزبدة بعدين نحط الدقيق و نحرك بعدين نحطها عالدجاج و نحرك
  • نحط الجزر و المشروم و الملح و الماجي و الزعفران و نسيبها ربع ساعة
  • آخر شيء نحط النشا المذوب في الموية و نحرك

ثم خلاص =)

مافي صورة جيدة للشوربة =$ مع الأسف

الوصفة اللي استخدمتها ~ الشوربة الصينية

~::~

زودتها مرة بتأخيري اليومي =/

+ نشري للتدوينات بعد ما نبدأ الصيام ..

أعتذر بحق =(

يبدو اني من جد فقدت الحماس .. مع انه لسا بدري

آه نراكم غدا إن شاء الله

كل يوم طبخة =)

17 أغسطس 2010

بسم الله الرحمن الرحيم

صراحة من زماان جدا وانا أبغى التزم بمشروع يومي ..

زي اللي يصوروا صورة كل يوم او يكتبوا نص كل يوم وهكذا

بس كنت ابغى فكرة و شيء استفيد منه + ارجع شغف التصوير ليا

في النهاية جا في بالي الطبخ ! بما اني أحبه ( مع اني ما أعرف :$ )

ففرصة اني اتعلم و مرة وحدة احاول التزم بشيء =”)

الفكرة :-

اسوي كل يوم طبخة مع كتابة الوصفة و التصوير و لمدة 43 يوم

حابدأ بإذن الله يوم السبت 11 رمضان ..

التنفيذ :-

قبل لا ابدأ ، اجمع وصفات واسوي جدول .. كل يوم شيء

أما يوميا فلازم اتأكد من توفر المقادير و اتوكل على الله =)

~::~

دحين حاسة انه سهل بس برضو حاسة انه بس ابدأ حتصعب الأمور و حتجي أيام أكسل فيها

عموما بإذن الله حالتزم بالمشروع وبعدها اخرج بشهادة لنفسي باني طباخة 😛

جالسة اجمع وصفات من موقع فتكات ..

عندي سؤال لكم / حتنزعجوا من التدوينات اليومية ؟

+ اللي عندها وصفات جيدة تتكرم عليا بها D=

الرحّالة أفنان .. بارت ثري

31 يوليو 2010

بسم الله الرحمن الرحيم

هذه التدوينة تابعة لسلسلة الرحّالة أفنان .. التدوينة السابقة

10 ساعات تقريبا في القطار ذهابا وإيابا =/

اتمنيت نطول أكثر في الدمام =”) بس بابا عنده دوام

هذه الصورة واحنا راجعين =] وقفنا في محطة بقيق و الأحساء و غيرها =$

اتعرفنا على بنوتة كيوت في القطار ، ماشاء الله عليها إجتماعية و هريجة خخخ

كبت عشا بيتهم كله عندنا =$ الأطفال أسلحة والله !

و هنا صور من شقتنا في الرياض =)

سكنا في الحزم للشقق الفندقية بـ 500 ريال لليلة

~::~

خدمتهم جدا رائعة والله .. شكرا لهم

~::~

الاسبوع الثاني في الرياض مدري ايش يبغى صراحة ..

قعدنا يومين أو 3 نتعشى أو نتغدا مشاوي XD

و رحنا الرياض جاليري مرة ثانية عشان نخلص البطاقة خخخ

يوم الربوع مشينا من الرياض وقبل لا نمشي نشبت لبابا أروح مجمع بشرى

هدفي كان اني اقابل بنات تويتر ، بس للأسف ما قابلت ولا وحدة ، الحمدلله

بس المجمع يجي منه ، ما تجولت فيه لانه ما كان عندي وقت بس جيد من أول نظرة 😛

في الطريق وقفنا في استراحة ابو*** بس كنا مضطرين عشان نصلي ! ><”

المهم انه فيه ستيكر القبلة عالجدار بس ماني متأكدة فين اتجاهه بالضبط

فسألت وشفت أخويا ، صليت زيه .. وانا في آخر ركعة بابا جا يقول خطأ القبلة !

لفي يسار و انا مبرمجة انه عاليمين مع الستيكر .. قال يساار !

لفيت شوية يمين بعدين قال يسااار ولفيت يسار

بعدين قال يمين يميـ وقبل لا يكمل قطعت صلاتي خخخ

في الطايف قعدنا يوم و مطّرت بغزااارة ولله الحمد في يوم الخميس D=

صور بعد الأمطار في الطايف

~::~

~::~

~::~

~::~

~::~

~::~

بس وهنا خلصت رحلتنا اللي مدتها أسبوعين للرياض =)

انتهى الجزء الثالث بأمان .. ولكنه ليس الأخير إن شاء الله =]

طيب هذا موقف عبيييييط عشان اسكتكم ولا تقولوا البارت قصير :mrgreen:

الموقف هو اني كنت اسويلي سندوتش في المطبخ << سبحان الله ، بالله في المطبخ ؟! و أكلم نفسي ، شوية قلت am I مجنونة or what ? بعدين قلت لا منتي مجنونة .. انتي what و قعدت اضحك على نفسي ، شوية ضحكت على نفسي لاني قاعدة اضحك على نفسي وانا في المطبخ .. تحشييييش XD

ألقاكم مرة أخرى يا أصدقاء ^_^

الرحّالة أفنان .. بارت تو

23 يوليو 2010

بسم الله الرحمن الرحيم

هذه التدوينة تابعة لسلسلة الرحّالة أفنان .. التدوينة الأولى

فين وصلنا ؟ ايوا الشرقية :mrgreen: بما اننا وصلنا يوم الربوع في الليل فقد نمنا =/

يوم الخميس اتغدينا بيتزا و خرجنا العصر على أساس نروح الخبر بس هيهات << نفسي أقولها من زمان 😛

ضعنا للأسف الدمام ما فيها ولا لوحة تورينا الطريق =/

بعض الصور التي نستوحي منها مقدار الطفش أثناء رحلة البحث عن الخبر

~::~

~::~

مرحبا ألف بأهل الكويت =]

وأخييرا وصلنا كورنيش الخبر بعد المغرب

و أنواااااع الرطوبة والحرارة .. صراحة ما عجبتني مرة =|

و احنا راجعين مرينا مجمع الراشد اللي فيه ذكريات طفولتي مع نافورته المليانة ألوان

لكن هيهات << عجبتني الكلمة 😛 .. مرة انصدمت منه =/ قعدنا ساعتين يمكن نلفلف << أبدا ما ضعنا

~::~

ماشاء الله في كل زاوية نافورة P:

~::~

أصلا دخلنا عشان نتعشى بس هيهات << لهون وبس عاد مو كل شوية <_<

في النهاية اتعشينا بيتزا 😛 بحكم انه عندنا بيتزا هت تحت الشقق خخخ

الجمعة رحنا كورنيش الدمام أو شيء زي كذا =$

كنا ناويين نروح  في الفجر بس محد صحي =S

وللأسف رحنا في الصباح أثناء الشمس الحارقة

~::~

~::~

~::~

~::~

~::~

~::~

~::~

~::~

~::~

~::~

~::~

~::~

بانوراما لنفس المكان رفعتها على فليكر =$

كان ويك اند جيد ولله الحمد لولا ان نصه ضاع في الروحة والجية P:

وهنا يخلص الجزء الثاني ^^”

ألقاكم الاسبوع الجاي إن شاء الله

في أمان الله

الرحّالة أفنان .. بارت ون

18 يوليو 2010

بسم الله الرحمن الرحيم

بس كيف بارت ون ؟ حسستني انها رواية مألفتها بنت مسوية نفسها تعرف إنجليزي P:

على طاري رحالة .. انقهر لمن يقولوا للرجال رحّالة =/ المفروض رحّال ! عباطة يعني ولا كيف ؟

عموما تلبية لنداء ربوع بلادي في أغنية قديمة مغبرة “ربوع بلادي علينا بتنادي ، تقول تعالوا شوفوني يا أولادي”

<< أقسم بالله اني ما عاصرتها P: بس ماما دايما تغنيها و سمعتها لأول مرة أثناء كتابة التدوينة =$

ذهبنا للرياض الكويسة =] بالسيارة ! ولحد يسأل في انسان يخاف من الطيارات معانا

أول يوم في الرياض كان السبت و زي ما قلت في تويتر حسيت اني مبتعثة =$

لاني وحدي صاحية و في بيت مؤقت .. المهم جاني هذا الشعور ويارب يكون حقيقي مستقبلا 😛

رحنا المطار .. برضو مسكة غلط يا بابا الله يهديك ، يمكن عشاننا جينا بالسيارة فيعوضنا برؤية الطيارات خخخ

يوم الأحد رحنا محطة القطارات عشان نحجز عالشرقية =]

الاثنين باريس جاليري و هذه يبغالها تدوينة لحالها 😛

حصلي موقفين هناك و لأول مرة قلبي يعورني بشدة من الفشلة !

أما الموقف الأول و كان الأشد فساستر على نفسي بما انه الله ستر عليا ولله الحمد

أما الموقف الثاني فـ اممم برضو ماله داعي ينكتب في تدوينة P: << أجل ليش قلتي من الأساس ؟!

أهم شيء انه بابا اشترى بطاقة للشسمه فيها 500 ريال D= لعبنا الين تعبنا ولسا ماشاء الله باقي ..

بعض الصور من الرياض جاليري

~::~

~::~

الجميل انه واحنا خارجين مسكت معايا تجربة “العمى” و غمضت عيوني !

مسكت الشغالة و مشيت ، حسب أقوال ماما والشغالة انه الناس يطالعوا فيا ..

بس انا ما ادري طبعا لاني ؟ بالضبط ! .. الحمدلله من جد من جد الحمدلله

أكثر من مرة كنت حاطيح على وجهي حتى والشغالة ماسكتني و تنبهني

اللهم لك الحمد كما ينبغي لجلال وجهك وعظيم سلطانك ..~ =”

~::~

أدري اسمي مرة كبير في الصور << من زينها ! بس مدري في ايش كنت افكر لمن زبطتها =/ مشوا حالكم

يوم الثلاثاء اتمشينا شوية في شوراع الرياض و اتعشينا في كبريتو ..

أول شيء هذه الصورة إهداء لغاليتي دعاء =)

اعذريني ما قدرت ألقط صورة جيدة للفيصلية =$ و قد تكون الصورة اللي فوق من تصوير بابا والله أعلم

و هنا صور لمطعم كبريتو .. اغين مدري وش احس فيه بس مرة ثانية مشوا حالكم 😛

~::~

~::~

~::~

~::~

أما يوم الربوع فكانت رحلتنا للشرقية D=

~::~

~::~

احم .. لازم المخمخة على شيء =]

فكيت الطرحة ، لبست الهيدفونز و لبست الطرحة فوقها P: << حركات اللي ما تعوق معها >> اتشربت اللهجة P:

~::~

عند وصولنا حدث ما لم يكن في الحسبان .. كنت أصور المقطورات و لقيت واحد يقولي ممنوع التصوير !

شايفينه في يسار الصورة ؟ عند القيادة ؟ =/ من هناك جالس يطالع ورحنا كلمناه قال ممنوع و قال أعطيني الكام انا اصورلك من جوا

و جيت أعطيه بس في الظلام والكام مربوطة و شسمه .. طاحت مني و طخسك << صوت تكسر و تحطم وسقوط 😛

انفكت عدسة الكام =( أنا فقدت وعيي يعني يعني والرجال قال الله يعوضك خير منها أو شيء من هذا القبيل

قلت معليش معليش و طول الطريق وانا احاول اصلحها ، بابا أخدها مني و جالس يحاول يصلحها برضو

بعد ما انفكت العدسة صار مافي فوكس =S

رحنا الشقة وانا طول الطريق أصور فيديو و يجي بوكيه خطيييييير 😛 حتى فكرت ما أصلحها خخخ

في الصباح بابا ما سابها الين صلحها =”) شكرا جزيلا آبوجي ..

~::~

أعتقد يكفيكم الين هنا ولا ؟ ^^

ترقبوا 3 مدن أخرى في الجزء الثاني إن شاء الله << تسمع بالتشويق P:

ألقاكم قريبا يا أصدقاء =]

فجأة مفاجأة !

16 يوليو 2010

بسم الله الرحمن الرحيم ..,

احم .. لو تقرا دي التدوينة من الريدر ، الرجاء التوجه إلى المدونة على الفور !

فتحت المدونة ؟ كويس =) .. فاتحها من أول ؟ أكوس =]

كيييييف بس المفاجأة ؟ P: << برا

فجأة جدا غيرت القالب و الشسمه =$

التدوينات و السايد بار كله زي ماهو .. بس القالب والهيدر هما اللي اتغيروا

أتمنى يعجبكم التغيير و ما تتضايقوا منه ^^

حتى لو اتضايقتوا ! اتعودوا =/ قال ما تتضايقوا قال -_-”

أعتذر لانه زماان عن المدونة و ياليت بتجديدي لشكلها اني ادون أكثر =$

إن شاء الله التدوينة الجاية حتكون ضخمة و تعجبكم =]

شكرا لكم ، ألقاكم قريبا إن شاء الله D=

مطعم اوساكا الياباني في جدة

29 يونيو 2010
السـلاآم عليـكمـ ورحمـة اللهـ وبركـاآتهـ ..
اليـوم جبتلكـمـ صـور لـ مطعم اوساكا في جدة ..
طبعـاآ وقت ما صـورت الصـور ما كنت أفهم شيء في التصوير ..
صـورتهـاآ بالجـواآل ^^”
هنـاآ صـورة كـاآملـة للمطعـم ..
و هنـاآ صـورة المدخل ( عبارة عن جسر و المفروض تكون فيه موية تحته ) بس لمن رحنا ما كان فيه موية !!
وهنـاآ أول ما دخلنـاآ عاليمين ..
هنـاآ بعد ما دخلنـاآ زيادة -تعمقنـاآ ^^-
و هنـاآ السـوشي اللي أكلنـاآه و شوربـة أعشـاآب بحـرية ..
هذي غرفـة مقفـولة ..
و هنا ديكـور في نفس الغرفـة طبعا معروف في البيوت اليابانيـة التقليدية ..
……………….
معلـومـاآت عن المطعـم :
هو مطعم يابـاآني <<< احلفي ..
خخخ لا من جد فيه نوعين من الغرف ..
النوع الأول : طاولـة وفيهـاآ مكان للطبخ في النص و الطباخ يطبخ قدامكـ ..
النوع الثـاآني : الغرفـة اللي فوق عالطراز الياباني بس مافي طباخ 😦
النوع الأول حلو انك تشوف الطباخ قدامك و صوت الطبخ مررة حلو ..
النوع الثاني حلو اذا تبغى خصوصيـة زيادة ..
احنا لمن رحنـاآ أخذنا النوع الأول ..
آه نسيت أقول النوع الأول فيه منه نوعين <<<< باللهـ ما طفشـتوا من الكلمـة …!؟
واحد مقفل و واحد مفتوح على باقي الطاولات ..
اذا تبغو معلومات عنه دورو في غوغل <<<< كسل خـاآرق ..
………………….
حكـاآيـة الزنجبيـل ..,
الزنجبيل الياباني هو الوردي اللي في صحن السوشي فووق شفتـوه …!؟
خخخخ بحكم خبـرتي في المطاعم اليابانـيــة والأكل اليـاآباني كنت أحسبهـ شرائح سلمون <_< اعترفو مين انسدح من الضحك ..؟؟
المهم وانا بعد ما خلصت السوشي حقي و بالقوة بلعته عشان اليابانين و عشان لا اتفشل من الطباخ لو ….
جيت أكلت الزنجبيل ههههههههههههه .. و آآآه فمي آح مررة يحرق و الاقي الطباخ في الأرض ميت من الضحك خخخ
ثم يقول لي إن هذا جنجر .. و أنا O_o نـاآآني ….!!!!؟؟؟
و هكذا إلخ ..
[جدا قديمة التدوينة ، من ملتقى الطلاب السعوديين في اليابان ]
تحياتي ..

فليكر أحبك !

24 يونيو 2010

بسم الله الرحمن الرحيم

مع انه عليا اختبار و المفروض اذاكر لكن بدلا من ذلك كنت اتحلطم بسبب الطفش

الساعة 8 الصباح تقريبا في يوم الخميس 12 رجب .. قبل يوم ميلادي الهجري بيومين << رجيتينا ترا !

كنت مواصلة و طفشانة و كل شيء ، كنت مستعدة أنتحر من الطفش و أبغى أحد يسليني

ولكن ظهر فارس نبيل جميل يدعى فليكر و قالي انا مسوي واجهة جديدة و حلف عليا أجربها 😛

قلت طيب و جربتها ..

جدا جدا كنت منشكحة بالواجهة الجديدة =)

وعدت فليكر باني أصور 10 صور و أهديها له بهذه المناسبة =] لانه فرحني و أسعدني كثيرا

بقي أن أقول انه الواجهة الجديدة لسا ما اعتمدوها بس تجريبية ..

و أي واحد يمديه يجرب واذا ما عجبه يكنسل البريفيو و يرجع للقديمة ..,

لكن أكيد حتصير رسمية بعد مدة ولا مفر 😛 شكرا فليكر ، أحبك =”)

أعتذر على الصور =/ في الصباح سويتها ورفعتها على تويت بيك ومافيا أزبطها بالفوتو ^^”

الأخ نايف العنزي في موقع عالم التقنية كتب عنها ..,

ياهو تعيد تصميم موقع فليكر وتضيف إليه المزيد من الإضافات والتحسينات الجديدة ~

كنت ناوية أكتب التدوينة في وقتها بس أختكم في الله اتجهت للنوم بدلا من ذلك

آه على فكرة الحمدلله باقي لنا اختبارين بس D= الله يوفقنا وويسرلنا هي ..

تحياتي ..,

كيفية إضافة أيقونات الشبكات الإجتماعية في المربعات الجانبية للمدونة

12 يونيو 2010

بسم الله الرحمن الرحيم

انسألت كيف سويت أيقونات الشبكات الإجتماعية اللي عاليسار ..

ما كان عندي وقت أشرحها بس أيام الاختبارات سبحان الله يجي كل الوقت لفعل كل شيء 😛

مرة سهلة الطريقة سواء للوردبريس أو لبلوجر =]

~::~

أول شيء تحتاجوا مدونة << احلفي 😛 أمزح ، تحتاجوا الأيقونات طبعا ..

وحتلاقوا في أيقونتي و Icon Finder .. أيقونات جيدة ، ارفعوها على مدوناتكم أضمن

و حتحتاجوا هذا الكود ( تم تحديث الكود بعد تنبيه من الأخ نعمان )

<a target=”_blank” href=”رابط بروفايلكم في الشبكة الإجتماعية“> <img src=”رابط الأيقونة” /> </a>

مثال

<a target=”_blank” href=”http://twitter.com/iAfnan“> <img src=”https://afnanm.files.wordpress.com/2010/04/twitter-24×24.png” /> </a>

على فكرة إذا تبغوا الرابط يفتح في نفس الصفحة شيلوا الكلام المكتوب بالأزرق

~::~

ووردبريس

1- من لوحة التحكم

2- اسحبوا حق النص من “مربعات متوفرة” إلى “القائمة الجانبية”

3- حطوا العنوان و الكود كرروه على حسب عدد الأيقونات ..

هذا عندي بعد الأكواد و شسمه

و هنا شكله في المدونة =]

~::~

بلوجر

1- من لوحة التحكم ..

2- بعدين اضغطوا على

3- من النافذة اللي طلعت اختاروا

4- اكتبوا العنوان و الكود كرروه على حسب عدد الأيقونات

هذا شكله عندي بعد ما كتبت الأكواد و شسمه

و هنا شكله في المدونة =]

~::~

بس ! مررة سهلة صح ؟ ما يحتاج =/ خلاص حأكنسل الشرح 😛

وبالمناسبة ، تجيني أسئلة من فورم التواصل ..

[ كيف أسوي مدونة ؟ ] ، [ كيف أزبط مدونتي ؟ ] ، [ كيف أرتب المدونة ؟ ] !

كيف تسويها ؟ عالـووردبريس ، على بلوجر .. و أنصح بالووردبريس

كيف تزبطها و ترتبها ؟ جرب واتعلم و حتعرف كيف .. =]

بالتوفيق للجميع .., تحياتي