Archive for the ‘مذكرات و ذكريات’ Category

الرحّالة أفنان .. بارت ثري

31 يوليو 2010

بسم الله الرحمن الرحيم

هذه التدوينة تابعة لسلسلة الرحّالة أفنان .. التدوينة السابقة

10 ساعات تقريبا في القطار ذهابا وإيابا =/

اتمنيت نطول أكثر في الدمام =”) بس بابا عنده دوام

هذه الصورة واحنا راجعين =] وقفنا في محطة بقيق و الأحساء و غيرها =$

اتعرفنا على بنوتة كيوت في القطار ، ماشاء الله عليها إجتماعية و هريجة خخخ

كبت عشا بيتهم كله عندنا =$ الأطفال أسلحة والله !

و هنا صور من شقتنا في الرياض =)

سكنا في الحزم للشقق الفندقية بـ 500 ريال لليلة

~::~

خدمتهم جدا رائعة والله .. شكرا لهم

~::~

الاسبوع الثاني في الرياض مدري ايش يبغى صراحة ..

قعدنا يومين أو 3 نتعشى أو نتغدا مشاوي XD

و رحنا الرياض جاليري مرة ثانية عشان نخلص البطاقة خخخ

يوم الربوع مشينا من الرياض وقبل لا نمشي نشبت لبابا أروح مجمع بشرى

هدفي كان اني اقابل بنات تويتر ، بس للأسف ما قابلت ولا وحدة ، الحمدلله

بس المجمع يجي منه ، ما تجولت فيه لانه ما كان عندي وقت بس جيد من أول نظرة 😛

في الطريق وقفنا في استراحة ابو*** بس كنا مضطرين عشان نصلي ! ><”

المهم انه فيه ستيكر القبلة عالجدار بس ماني متأكدة فين اتجاهه بالضبط

فسألت وشفت أخويا ، صليت زيه .. وانا في آخر ركعة بابا جا يقول خطأ القبلة !

لفي يسار و انا مبرمجة انه عاليمين مع الستيكر .. قال يساار !

لفيت شوية يمين بعدين قال يسااار ولفيت يسار

بعدين قال يمين يميـ وقبل لا يكمل قطعت صلاتي خخخ

في الطايف قعدنا يوم و مطّرت بغزااارة ولله الحمد في يوم الخميس D=

صور بعد الأمطار في الطايف

~::~

~::~

~::~

~::~

~::~

~::~

بس وهنا خلصت رحلتنا اللي مدتها أسبوعين للرياض =)

انتهى الجزء الثالث بأمان .. ولكنه ليس الأخير إن شاء الله =]

طيب هذا موقف عبيييييط عشان اسكتكم ولا تقولوا البارت قصير :mrgreen:

الموقف هو اني كنت اسويلي سندوتش في المطبخ << سبحان الله ، بالله في المطبخ ؟! و أكلم نفسي ، شوية قلت am I مجنونة or what ? بعدين قلت لا منتي مجنونة .. انتي what و قعدت اضحك على نفسي ، شوية ضحكت على نفسي لاني قاعدة اضحك على نفسي وانا في المطبخ .. تحشييييش XD

ألقاكم مرة أخرى يا أصدقاء ^_^

Advertisements

الرحّالة أفنان .. بارت تو

23 يوليو 2010

بسم الله الرحمن الرحيم

هذه التدوينة تابعة لسلسلة الرحّالة أفنان .. التدوينة الأولى

فين وصلنا ؟ ايوا الشرقية :mrgreen: بما اننا وصلنا يوم الربوع في الليل فقد نمنا =/

يوم الخميس اتغدينا بيتزا و خرجنا العصر على أساس نروح الخبر بس هيهات << نفسي أقولها من زمان 😛

ضعنا للأسف الدمام ما فيها ولا لوحة تورينا الطريق =/

بعض الصور التي نستوحي منها مقدار الطفش أثناء رحلة البحث عن الخبر

~::~

~::~

مرحبا ألف بأهل الكويت =]

وأخييرا وصلنا كورنيش الخبر بعد المغرب

و أنواااااع الرطوبة والحرارة .. صراحة ما عجبتني مرة =|

و احنا راجعين مرينا مجمع الراشد اللي فيه ذكريات طفولتي مع نافورته المليانة ألوان

لكن هيهات << عجبتني الكلمة 😛 .. مرة انصدمت منه =/ قعدنا ساعتين يمكن نلفلف << أبدا ما ضعنا

~::~

ماشاء الله في كل زاوية نافورة P:

~::~

أصلا دخلنا عشان نتعشى بس هيهات << لهون وبس عاد مو كل شوية <_<

في النهاية اتعشينا بيتزا 😛 بحكم انه عندنا بيتزا هت تحت الشقق خخخ

الجمعة رحنا كورنيش الدمام أو شيء زي كذا =$

كنا ناويين نروح  في الفجر بس محد صحي =S

وللأسف رحنا في الصباح أثناء الشمس الحارقة

~::~

~::~

~::~

~::~

~::~

~::~

~::~

~::~

~::~

~::~

~::~

~::~

بانوراما لنفس المكان رفعتها على فليكر =$

كان ويك اند جيد ولله الحمد لولا ان نصه ضاع في الروحة والجية P:

وهنا يخلص الجزء الثاني ^^”

ألقاكم الاسبوع الجاي إن شاء الله

في أمان الله

الرحّالة أفنان .. بارت ون

18 يوليو 2010

بسم الله الرحمن الرحيم

بس كيف بارت ون ؟ حسستني انها رواية مألفتها بنت مسوية نفسها تعرف إنجليزي P:

على طاري رحالة .. انقهر لمن يقولوا للرجال رحّالة =/ المفروض رحّال ! عباطة يعني ولا كيف ؟

عموما تلبية لنداء ربوع بلادي في أغنية قديمة مغبرة “ربوع بلادي علينا بتنادي ، تقول تعالوا شوفوني يا أولادي”

<< أقسم بالله اني ما عاصرتها P: بس ماما دايما تغنيها و سمعتها لأول مرة أثناء كتابة التدوينة =$

ذهبنا للرياض الكويسة =] بالسيارة ! ولحد يسأل في انسان يخاف من الطيارات معانا

أول يوم في الرياض كان السبت و زي ما قلت في تويتر حسيت اني مبتعثة =$

لاني وحدي صاحية و في بيت مؤقت .. المهم جاني هذا الشعور ويارب يكون حقيقي مستقبلا 😛

رحنا المطار .. برضو مسكة غلط يا بابا الله يهديك ، يمكن عشاننا جينا بالسيارة فيعوضنا برؤية الطيارات خخخ

يوم الأحد رحنا محطة القطارات عشان نحجز عالشرقية =]

الاثنين باريس جاليري و هذه يبغالها تدوينة لحالها 😛

حصلي موقفين هناك و لأول مرة قلبي يعورني بشدة من الفشلة !

أما الموقف الأول و كان الأشد فساستر على نفسي بما انه الله ستر عليا ولله الحمد

أما الموقف الثاني فـ اممم برضو ماله داعي ينكتب في تدوينة P: << أجل ليش قلتي من الأساس ؟!

أهم شيء انه بابا اشترى بطاقة للشسمه فيها 500 ريال D= لعبنا الين تعبنا ولسا ماشاء الله باقي ..

بعض الصور من الرياض جاليري

~::~

~::~

الجميل انه واحنا خارجين مسكت معايا تجربة “العمى” و غمضت عيوني !

مسكت الشغالة و مشيت ، حسب أقوال ماما والشغالة انه الناس يطالعوا فيا ..

بس انا ما ادري طبعا لاني ؟ بالضبط ! .. الحمدلله من جد من جد الحمدلله

أكثر من مرة كنت حاطيح على وجهي حتى والشغالة ماسكتني و تنبهني

اللهم لك الحمد كما ينبغي لجلال وجهك وعظيم سلطانك ..~ =”

~::~

أدري اسمي مرة كبير في الصور << من زينها ! بس مدري في ايش كنت افكر لمن زبطتها =/ مشوا حالكم

يوم الثلاثاء اتمشينا شوية في شوراع الرياض و اتعشينا في كبريتو ..

أول شيء هذه الصورة إهداء لغاليتي دعاء =)

اعذريني ما قدرت ألقط صورة جيدة للفيصلية =$ و قد تكون الصورة اللي فوق من تصوير بابا والله أعلم

و هنا صور لمطعم كبريتو .. اغين مدري وش احس فيه بس مرة ثانية مشوا حالكم 😛

~::~

~::~

~::~

~::~

أما يوم الربوع فكانت رحلتنا للشرقية D=

~::~

~::~

احم .. لازم المخمخة على شيء =]

فكيت الطرحة ، لبست الهيدفونز و لبست الطرحة فوقها P: << حركات اللي ما تعوق معها >> اتشربت اللهجة P:

~::~

عند وصولنا حدث ما لم يكن في الحسبان .. كنت أصور المقطورات و لقيت واحد يقولي ممنوع التصوير !

شايفينه في يسار الصورة ؟ عند القيادة ؟ =/ من هناك جالس يطالع ورحنا كلمناه قال ممنوع و قال أعطيني الكام انا اصورلك من جوا

و جيت أعطيه بس في الظلام والكام مربوطة و شسمه .. طاحت مني و طخسك << صوت تكسر و تحطم وسقوط 😛

انفكت عدسة الكام =( أنا فقدت وعيي يعني يعني والرجال قال الله يعوضك خير منها أو شيء من هذا القبيل

قلت معليش معليش و طول الطريق وانا احاول اصلحها ، بابا أخدها مني و جالس يحاول يصلحها برضو

بعد ما انفكت العدسة صار مافي فوكس =S

رحنا الشقة وانا طول الطريق أصور فيديو و يجي بوكيه خطيييييير 😛 حتى فكرت ما أصلحها خخخ

في الصباح بابا ما سابها الين صلحها =”) شكرا جزيلا آبوجي ..

~::~

أعتقد يكفيكم الين هنا ولا ؟ ^^

ترقبوا 3 مدن أخرى في الجزء الثاني إن شاء الله << تسمع بالتشويق P:

ألقاكم قريبا يا أصدقاء =]

فليكر أحبك !

24 يونيو 2010

بسم الله الرحمن الرحيم

مع انه عليا اختبار و المفروض اذاكر لكن بدلا من ذلك كنت اتحلطم بسبب الطفش

الساعة 8 الصباح تقريبا في يوم الخميس 12 رجب .. قبل يوم ميلادي الهجري بيومين << رجيتينا ترا !

كنت مواصلة و طفشانة و كل شيء ، كنت مستعدة أنتحر من الطفش و أبغى أحد يسليني

ولكن ظهر فارس نبيل جميل يدعى فليكر و قالي انا مسوي واجهة جديدة و حلف عليا أجربها 😛

قلت طيب و جربتها ..

جدا جدا كنت منشكحة بالواجهة الجديدة =)

وعدت فليكر باني أصور 10 صور و أهديها له بهذه المناسبة =] لانه فرحني و أسعدني كثيرا

بقي أن أقول انه الواجهة الجديدة لسا ما اعتمدوها بس تجريبية ..

و أي واحد يمديه يجرب واذا ما عجبه يكنسل البريفيو و يرجع للقديمة ..,

لكن أكيد حتصير رسمية بعد مدة ولا مفر 😛 شكرا فليكر ، أحبك =”)

أعتذر على الصور =/ في الصباح سويتها ورفعتها على تويت بيك ومافيا أزبطها بالفوتو ^^”

الأخ نايف العنزي في موقع عالم التقنية كتب عنها ..,

ياهو تعيد تصميم موقع فليكر وتضيف إليه المزيد من الإضافات والتحسينات الجديدة ~

كنت ناوية أكتب التدوينة في وقتها بس أختكم في الله اتجهت للنوم بدلا من ذلك

آه على فكرة الحمدلله باقي لنا اختبارين بس D= الله يوفقنا وويسرلنا هي ..

تحياتي ..,

قالوا عن الارتجال { 1 }

26 مايو 2010

بسم الله الرحمن الرحيم

ماشاء الله تبارك الله ، أعوذ بكلمات الله التامات من شر ما خلق

اللهم بارك لنا فيما رزقتنا وقنا عذاب النار .. سبحان الله وبحمده ، سبحان الله العظيم

انشر تؤجر 😛

نرجع لموضوعنا اللي هو الارتجال .. وتعريفه لمن لا يعرف معناه هو اختراع حاجة في نفس اللحظة !

والويكيبيديا تقول: الارتجال هو إِنجاز عفوي مباشر .. ما اختلفنا =]

وللعلم مالها أي علاقة بكلمة استرجال =S كل ما قلت لأحد حارتجل يصير وجهه O_o”

عموما انا هنا أحدثكم من هذا المنبر عن مواقفي الارتجالية ولمن لا يعلم أيضا أنا سيدة الارتجال 😛

ما قد جاء اختبار انجليزي تحريري كان أو شفوي الا وارتجلت ولله الحمد النتايج مو بطالة !

in Fact النتايج مرة حلوة والحمدلله D=

افتكر مرة كان المفروض نكتب عن رحلة سياحية لأي دولة لمدة أسبوع تقريبا وانا كتبت عن

اليابان <<< فيه أحد اتوقع غير كدا ؟! 😛

لمن جيت أكتب لاحظت اني ما أعرف كثير من معالم اليابان لذلك كتبت أسماء شخصيات انميXD

اسمه بليتش وركبتها مع بعض على أساس انها منتزهات و أماكن للزيارة ..,

افتكر اني كتبت I’ll go to [ rangiku san no haineko ] 😛

رانجيكو هو اسم الشخصية  .. سان لقب بعد الاسم للاحترام ..

نو يدل على الملكية .. هاينيكو اسم سلاحها

معناها .. السيف الخاص بالآنسة رانجيكو ! خخخخ

كمان على ما أظن كتبت The park [ hitsugaya taichou ] XD

منتزه [ الكابتن هيستوجايا ] اللي هو الولد الكيوت اللي فوق 😛

~::~

أحسن شيء اني كنت أبغى اكتب نصب السلام التذكاري اللي في هيروشيما

by ShureVan

المشكلة ما أعرف أكتب نصب ! قمت كتبت half-destroyed building

مع العلم اني اخترعت كلمة هاف ديسترويد وانا أكتب XD بعدين طلعت صح الحمدلله

الجدير بالذكر اني كتبت انه في ناجازاكي مو هيروشيما 😛

دا في اختبار الترم الأول من سنة أولى والحمدلله انه ولا وحدة من المصححات تعرف شيء عن اليابان 😛

~::~

مرة من المرات الأبلة سألت عن معنى كلمة Recognizable قلت “قابل للإدراك” XD

ما يستفاد من التدوينة انه مو لازم تذاكروا كل حرف .. عادي لو ارتجلتوا =]

ترقبوا تدوينات أخرى عن الارتجال 😛 يمكن ..,

تحياتي ..

من ملتقى ن للإعلام الجديد

21 مايو 2010

بسم الله الرحمن الرحيم

ذهبت بالأمس لـ ملتقى ن للإعلام الجديد

كان شرفا عظيما لي أن ألتقي مجددا بعزيزاتي اللواتي ألتقيتهن في معرض صنع بيدي

حنان أحمد ، هيفاء ، إحسان ، منى ، ريم .. ولقائي للمرة الأولى بـ سمر و أختها شذى ..,

و الشرف الأعظم هو لقائي بـ فوز الجميل و الغالية عائشة الفرحان – المعروفة بأم رغد ..

سابدأ منذ وصولي .. فلاداعي لأن أسرد لكم تفاصيل ضياعي مع أخي في الطرقات لانه غشيم 😛

وصلت متأخرة .. كانت الساعة الخامسة والثلث حسبما أذكر ، أعتقدت أنهم قد بدأوا

لكن حصل بعض التأخير و”اللخبطة” بسبب خلل فني ..,

~::~

المحور الأول كان مع الدكتورة أميرة النمر ، تكلمت عن الإعلام الجديد واحتفت به

مما ذكرته أن لا ندع أبنائنا وحدهم عند استخدامهم للأجهزة ، وأختكم في الله كانت مستميتة على مداخلتها

أخبرتها بأنه يجب أن تكون لديهم رقابة ذاتية  ، عندها شبهت الرقابة الذاتية بالتطعيم

واختتمت كلامها بدعوة لأصحاب المدونات التي تكتب باللغة الإنجليزية أن يحسنوا صورة الإسلام

~::~

المحور الثاني إضاءة على تاريخ التدوين مع ريم العتيبي صاحبة مدونة [ حياد مركب ]

تكلمت عن ثلاث مدونات مصريات تحولت مدوناتهن إلى كتب نشرتها دار الشروق

و أعطت نبذة تعريفية عن كل مدونة ..

1- مدونة عايزة اتجوز لـ غادة عبدالعال ، وكتابها بنفس الاسم

2- مدونة حواديت لـ رحاب بسام ، وكتابها “أرز باللبن لشخصين”

3- مدونة مع نفسي لـ غادة محمود ، وكتابها “أما هذه فرقصتي أنا”

~::~

كان من المفترض أن تكون معنا المدونة ألق من حائل عن طريق Skype ولكن لم يحصل ذلك للأسف

عندما بقي على أذان المغرب القليل لم يكن هناك وقت للبدأ بمحور جديد ؛ ففضلت المُنظمة أن نتعارف حتى الأذان

تعرفنا على بعض المدونات أولهن الرائعة و المُنظمة فوز الجميل صاحبة مدونة [ وأنا اتأمل ]

سارة أبو الخير [ حبي لله كيف أحييه ؟! ]

بيان الجهني [ ذاكرة وطن ]

صفية الجفري [ قبل المداولة ]

منى المهدي  [ حرفٌ، ضوءٌ .. وحياة ]

عائشة الفرحان [ إبيان ]

مها نور إلهي [ مها نور إلهي ] ولها مدونة باللغة الإنجليزية [ Saudi Revelations ]

أراكة عبدالعزيز [ مدونة أراكة ] و أختها أروى عبدالعزيز [ قطرةُ ماءٍ هاربة من زمن الجفاف ]

~::~

بعد التعارف صلينا المغرب ثم بدأت فقرة المدونة رقية الحربي

تحدثت عنها بانتظام و بسرعة لان الوقت لم يسعفها ولكنها كانت رائعة =)

مما أعجبني قولها .. مكونات الثقافة :- 1-لغة 2-قيم ومفاهيم 3- سلوك

و كيف ندعم كل جانب من هذه المكونات ..

ذكرت قصة جميلة بحثت عنها اليوم وهي عن بدوي مسلم كان يمضي في الصحراء ممتطياً دابته

فإذا به يرى رجلاً ملقى على رمال الصحراء ويبدو مشرفاً على الهلاك فما كان من البدوي إلا أن أقترب

من ذلك المسكين وأجتهد ليسقيه جرعة ماء عله ينقذ حياته من الفناء.

وبينما كان البدوي منشغل بمساعدة ذلك الرجل، إذا به يفاجىء بلطمة قوية يسقط على إثرها

ويفقد توازنه وأسرع ذلك المخادع واستولى على الماء والدابة وما عليها ويستعد ليمضي

تاركاً البدوي وحده في الصحراء ولكن قبل إنصرافه سأل البدوي ساخراً إلا تريد شيئاً قبل أن أتركك؟

فأجابه البدوي نعم لي طلب واحد فتوقع الرجل أنه سيطلب منه بعض الماء والطعام

لكن البدوي فاجأه بطلب آخر قائلاً: أرجوك أن لا تخبر أحداً بما فعلته معي

فتعجب الرجل وسأله: أهذا طلب رجل مشرف على الموت؟!

ماذا يضرك إن أخبرت الناس وأنت هالك لا محالة؟!

فأجابه البدوي : أما مصيري فهو بيد الله تعالى وأما ما أخشاه إن أنت حكيت للناس ما كان مني ومنك

هو أن يخاف الناس من عمل الجميل وعمل الخير ويضيع المعروف بين الناس

فيقل العاملون به ويكون من ذلك الشقاء لبني البشر وغضب الله عليهم

مثال على المسؤولية الفردية تجاه المجتمع ..

اقتباس أعجبني من رقية “أنا لا أنتظر تجاوب الآخرين معي حتى أكتب”

~::~

محور عزيزتي إحسان لم أكتب الكثير مما قالته فقد كنت مشغولة بتأملها و الإعجاب بكلامها 😛

لكن المهم هو انها تحدثت عن مهاتما غاندي و زكت لنا كتاب شروط النهضة لـ مالك بن نبي ..

كما وضحت أن للعمل عن بعد حريّتان :-

1- حرية الوقت

2- حرية قبول أو رفض العمل

~::~

محور آلاء الزومان صاحبة مدونة [ عروج أزرق ] كان عن الفيس بوك ، أسباب انتشاره وما إلى ذلك

أما محور نجلاء حسين فكان رصد ملامح المجتمع السعودي من خلال نظرة المدونات السعوديات

تحدثت عن نظرية ماسلو و حاجة الانسان الإجتماعية و عن المدونتان إحسان و صفية الجفري

~::~

الشيخ الدكتور سلمان العودة ..

أثنى على مجهود القائمات على الملتقى و أشاد بهن ..,

يمكنكم معرفة أهم ما قيل في الملتقى عن طريق حساب ملتقى ن في تويتر

و كذلك تدوينة المهند الكدم ( المهند في ملتقى “ن” للاعلام الجديد )

* تحديث : في نهاية الملتقى كان الدكتور يستقبل أسئلتنا

سألته عن البودكاست النسائي و حكمه .. لم أسمع جوابه بوضوح للأسف

لكنه قال الآية الكريمة ( ولا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ )

و أتبعها بـ (وَقُلْنَ قَوْلاً مَّعْرُوفاً) ،وقال: لم يقل اسكتن بل قال وقلن قولا معروفا

“خلاصة رأيه إن القول يجب أن يكون : قولاً معروفا ً ، ولا يكون فيه خضوع في القول فيطمع الذي في قلبه مرض”

شكرا مازن الضراب على السطر السابق لاني لم أعرف حقا كيفية إيصال الفكرة =$

~::~

اضطرت فوز إلى إلغاء محورها الذي من المفترض أن يكون قبل الدكتور

تمنيت وجود المدونة الغالية فاتن بنتن ، ابنة عمتها ريما و ندى ولكن لنا لقاء آخر بإذن الله

أحببت الملتقى لكن عتبي على ضياع الوقت في “خراب” الأجهزة مما أدى إلى عدم تقديم محور فوز

و السرعة في تقديم المحاور الأخرى =/ أتمنى تلافي هذه المشكلة في الملتقيات القادمة

شكرا لكم جميعا .. يعطيكم ربي ألف عافية ^_^

تحياتي ..,

سبـاآيو ..~

2 يناير 2010
بسم الله الرحمن الرحيم
طيب اليوم حاحيكم عن سبايو و طفولتها و ما له علاقة بها ..
اسمها :-
سبـاي بنت جيرل بنت ساكوراسكي .. تلاحظوا انه لا مكان للأباء خخخ كلهم بنات ..,
و تلقب بـ سبايو و بفـبح .., أي اقتراحات أخرى ..!؟
~::~

مولدها :-
ولدت سبايو في الرابع عشر من شهر رجب سنة 1414 الساعة 11  وشيء قبل الظهر يعني 😛
في مدينة من أروع المدن في العالم ألا وهي [ الطايف عروس المصايف ] ..
~::~
طفولتها و حياتها :-
بعد ما انولدت سبايو .. فرح الجميع بما انها أول حفيدة في عائلة ساكوراسكي :]
ثم جا ولد عمها بعد أقل من سنة ينافسها في محبة الجميع <_<
عموما ما زاآلت سباآيو أحسن وحدة 😛 عاشت سنتين من حياتها تقريبا في الطايف ..
ثم انتقلوا إلى جدة حيث أهلهـم و هناك سكنوا في عمارة جدها أبو أمها الغريبة العجيبة ..
حيث كانت عمارة زرقاء ! لان جدها يشجع الهلال زيها خخخ
و كانت هي و أخوها الأصغر منها بسنة و ثلاثة أرباع .. يرموا ألعابهم من البلكونة فتسقط إلى بلكونة الجيران ..
و كانوا يروحوا عند أبوقاسم صاحب محل برجر عالفحم و ياكلوا برجر بالصراصير وهما ما يدروا :/
مرة وهي تشوف جدتها تزرع ما ادري ايش في ربعهم الخالي قالت : هدا خيار ؟ قالت جدتها : لا ..
قالت سبـاآيو : هدا مو خيار .. هدا ايس هدا ؟؟ واااه كيوت ^^”
و عندها قصة رجت السكاآن كل ابوهم فيها و هي انه كان فيه ولد صغير خرج الشارع بدون ما تدري امه
و ما كان لابس جزمة و دعسته السيارة و كان فيه قزاز في الشارع و انجرحت رجله خخخخ
عموما مرة من المراريت دخلت سبايو المدرسة في المرحلة التمهيدية ..
و ولد عمها النشبة معاها في الروضة .. كان عندهم شنط ميكي وميني ماوس مطقمين خخخ
كان فيه ولد يضايقها في التمهيدي و الأبلة الشريرة تخليها تجلس في بقعة مشمسة من الفصل !
ما ادري كيف كانت تفكر .. بالله دي معلمة ..!؟ :”( وحدة طفلة بريئة تجلسها في الشمس ؟
طيب المهم في حفل التخرج من التمهيدي أبوها كان مسافر فما قدرت تشارك 😦
بس حضرت الحفل واخدت هدية :× عبارة عن سبورة وردية ما ادري ايش تبغى ..
و الابتدائي دخلت مدرسة تانية أقرب لبيتهم حيث كانت المدرسة الأولى بعيدة لدرجة انها كانت تنام في السيارة
طبعا هي سجلت متأخر فما لقت مريول على مقاسها و راحت ربع سنة اولى بملابس عادية 😛
بعدين ابوها جاته دورة للرياض و أخدت إجازة من المدرسة و أمها خلت الأبلة تكتب لها الواجبات
حقت شهر قدام <_< عشان تحلها بينما هي في الرياض ..,
الهم خلصت الابتدائي في نفس المدرسة ثم انتقلت إلى المتوسط و كانت المرة الأولى التي تجرب فيها مدرسة حكومية ..
حيث من جهلها كانت تقول لحقت المقصف دادا خخخ عاد اللي تبيع تبغى تقتلها ..
أولى وثاني متوسط مستواها كان زي وجهها بس في ثالث صارت دافورة فجأة و جابت تقريبا 98%
كح كح كح يا راوية بطلي كذب ! جابت 97.80% خلاص انتي وياها استروا ما واجتهم
ثم في الثانوية راحت مدرسة مطورة أو يقالك انها مطورة :/
يلا الحمدلله على كل حال .. على غير ما توقعت جابت نسبة يجي منها ..
وهي الآن في الصف الثاني ثانوي و الله يستر لا ينخسف معدلها من كثر ما تهرج ..,
~::~
إنجازاتها :-
سبايو انسانة مبدعة و لها الكثير من الانجازات .. نذكر منها ما يلي :
1- عضوة مميزة في عالم بنات ..
2- مشرفة في اغلب المنتديات الفاضية والمجانية اللي دخلتها -_-
3- مشرفة في ملتقى الطلاب السعوديين في اليابان
4- زاآئرة مخلصة لمدونة عبدالله سعيد كح كح
5- مدونة ممـتازة بشهادة ولا أحد
6- تأهلت صورتها في أول مسابقة شاركت فيها للتصوير
7- أكثر آل تويتر هرجا 🙂
8- أحسن وحدة في العالم <<< كثري منها ..
و هنا ينتهي مشوار الكذب في انجازات سبايو المنجزة حتى الآن ..
~::~

وفـاآتها :-
أعوذ بالله ! متى اتوفيت يا بنت الحلال ..!؟
يعني في المستقبل .. لمن تتوفى لا سمح الله ادعولها ..
الورث يتوزع كالتالي :-
اللاب حقها يروح لصحبتها .. والهارد لصحبتها الثانية ..,
والكآام لاخوها الصغير اللي امتحنها كل شوية ابغا اصور ..
و المنبه لـخالتها .. شفتوا قد ايش طيبة , الله يحفظها ..,
و ايش كمان ..!؟ امممم المدونة تتقفل و يحتفطوا فيها بنات تويتر للذكرى ..
و حسابها في تويتر ينباع و يذهب ريعه للجمعيات الخيرية خارج السعودية ..,
و في الفيس بوك يتقاسموه تونا و ريكس و صحباتها فيه ..
و فليكر يروح لـ ري ري و هوازن ..
هي قالت لي سر ! عندها حساب في البنك مخصص لأل تويتر .. و حيتقسم عليهم حسب الشرع ..,
اللهم أحسن خاتمتنـاآ ..
~::~
هنـاآ نكون قد خلصنا .. آآه تعبنا :”) الحمدلله ..
أتمنى ما نكون طولنا عليكم ^_^
تحيـاآتنا .. سبايو + الراوية .,
في أمـاآن الله ..

نذالة أم غباء ..!؟

15 ديسمبر 2009
بسم الله الرحمن الرحيم
موقف خفيـف من طفولتي اللي مدري ايش تبغى ^^”
سنة أولى ابتدائي كنا نوزع أرقام التلفون على بعض P:
و عندنا البنت تكون لها بطاقة تعلقها عالمريول مكتوب فيها اسمها و رقم تلفونها و بيانات تانية
كنت جالسة أكتب رقم وحدة في دفتري .. وجات بنت اممم ما كنت استلطفها <<< متعوب على الكلمة P:
قالت لي : تبغي رقمي ؟ وانا شفت رقمها في البطاقة من ضمن الأرقام “10”
قمت قلت : تلفوننا مافيهـ رقم عشرة خخخ
أنا ما أدري هي هي نذالة أم غباء ؟؟
تحيـاآتي .. سبـاآيو

مطـر في جدة O_O

25 نوفمبر 2009
بسم الله الرحمن الرحيـمـ ..,
مطــر في جـدة !! يا جمااعة مطر !
ياآآرب لكـ الحمد كما ينبغي لجـلاآل وجهكـ وعظيمـ سلطانكـ =)
الأحداث التالية تأخذ مكانا بين 7:45 و 9:00 صبـاآحا
نمـت بعد ما صليت الفجر و شوية يجي أخويا يصحيني : مططر غزيــر !
سبـاآيو و هي ربع صاحية : فيييين !؟
 أخويا : في جيبي -_- هنا يعني فين ؟
سبـايو : انقـلع يا …. و ياخد له كم سبة و كم شوتة و مخدة طايرة و طردة ..
طبعا ما صدقتهـ لانه معروف بعدم مصداقيتهـ .. فطبيعي أحسبه يكذب
عدت إلى النوم والا أسمع صوت رعــد !
قلت : يا بنت لا يكون من جد فيه مطر في جدة وانتي نايمة زي المدري ايش ..
بعد نص ساعة من المشاورة مع نفسي اقتنعت بقول : النوم لاحقة عليه .. بس مطر في جدة !
قمت بعد مصارعات مع السرير و الجاذبية الأرضية ..,
و أروح بعيني المفقعة من عدم النوم ..  الله !! مطــر D=
وانا اتأمل من الشباك مع أخويا في ساعة يملؤها التأمل لمدة دقيقتين ..
قلت خسارة فاتني لمن كان غزير 😦 و رجعت أنام ..
بس ما قدرت عشان كان لازم اكتب مسودة للتدوينة <_<
و لازم أوثق اللحظة .. رحت اسأل أخويا عن اليوم لقيت ماما عندهـ ..
وهكذا سألت وهناك من قال الثلاثاء وهناك من قال الأربعاء
ولكني احتكمت إلى عقلي ووجدت أن اليوم ربووع 🙂
من هنا تأخذ التدوينة مجرى آخر ..
لا يخفى عن الجميع ما حدث في جدة من دمار بسبب السيول ..
ورأي الكثيرين أن هذا بسبب إهمال المسؤولين ><
حسبي الله ونعم الوكيـل عليهـمـ ..
في النهاية أحب أن أقدم عزائي لأهالي المتوفيين =”(
الله يرحمهمـ و يلهمـ أهاليهمـ الصبر والسلوان
يااآآرب خفف عنهمـ 😦
~::~
لا تنسوا تصـومـوا بكرا يوم عرفـة
تحيـاآتي .. سبـاآيو

ذكرى انكسار أصباعي :”(

18 نوفمبر 2009
بسم الله الرحمن الرحيم
اللي حأكتبه دحين ما حيفيدكمـ بشيء يعني مجـرد فضفضة ..
في أول خميس من إجازة الحج اللي راحـت انكسر أصباع قدمي اليمنى ما قبل الأخير ..
اللي خلاني أفتكر هو الألم المشابه اللي جاني أمس ..
لمن فكرت في الموضوع كأنه أصباعي يحاول يحيى الذكرى ..

الحـاآدثة :-
في يوم الخميس .. كنت قد دعوت صحباتي لبيتي .. و أثناء ماني منشغلة بـدعوة سوسوتشان ..
اللي كلمتها عشرومية مرة في داكا اليوم و مي راضية تجي <_<
المهم كنت في الصالة و ابغا اروح الغرفة عشان اكلم سوسو تشان فـأطلقت العنان لسيقاني ..
و إذا بي أصقع قدمي في طرف الكنبـة .. آآآه .. أطلقت صرخة رهيبة من الألم .. لم أفكر للحظة انه انكسر ..
كنت أعتقد انه أسوأ شيء ممكن يصير انه ينجرح ..لكن لمن طالعت في رجلي ..
اتفاجعت بأصباعي ما قبل الأخير طالع فوق الأخير ..
صـورة للتوضيح .. رسمتها بالبن تول ( طبعا ولا وحدة قدم طبيعية بس …)
أول ما شفت المنظر ناديت ماما و أخويا : أصبااعي انكسر !! و انتابتني نوبة ضحك هستيرية على شكله
أخويا قاعد يهزأني – مع العلم انه أصغر مني – يقول هبلة لا تضحكي أصباعك انكسر ..
اتصلوا على بابا .. و ماما قالت للشغالة تحط على أصباعي زيت زيتون ..
ماما كان على بالها قوى ماوراء الطبيعة هههه ..
دحين انا خلاآص ماني قادرة اميز اللي أشوفه بجد دايخة .. و عرقي يتصبب ..
مو من الحر .. لا من الألم المُخدِر .. جاء بابا و لبسوني العباية ..
طبعا ما أقدر أمشي الين السيارة وكيف حأنزل من درج العمارة ؟؟
فبـابا الله يحفظه .. شالني ووداني السياآرة <<< قلكـ رشيقة خخخ تراني من جنبها ..
لمن وصلنا المستشفى ركبوني في عربية .. و انطلقت إلى غرفة الأشعة ..
سويت الأشعة بعد الإنتظار و طلع أصباعي الحبيب مو بس مكسور كمان مفصول ..
يعني العظمة انكسرت و المفصل انفصل << فيه أحسن من كدا شرح ؟؟
رحت عند الدكتور عشان يصلحه .. قال : ايش صار ؟
قلتله اني كنت أجري وصقعت .. الدكتور مو بس فطس ضحك ..
تخيلوا وحدة مغطية تقوله أجري و أصقع ؟؟
شكلي كـاآن من جد لا أحسد عليه خخخ
و هو يعدله انا ماسكة ذراع بابا عشان لا اتألم زيادة ..
مسكين غرزت أظافري فيهـ 😦 .. خلاص سواه وغلفهـ ..
ورحنا الإنتظار و بابا راح يجيب الأدوية ..
و انا استنى شفت بنت الحمدلله حالتها أسوأ مني بمليون مرة ..
ما أفتكر الصراحة ايش كان عندها بس شيء مررة مو كويس أظن ارتجاج في الدماغ ..
وقتها حمدت ربي انهـ جات على أصباع 🙂
الحمد والشكر لكـ ياآرب ..
رجعت البيت و لسا الدعوة قائمة لصحباتي 😛
اتروشت بحكم اني كنت أسبح في بركة من الـ ….
و جات بيبو و كلمت سوسوتشان قلتلها لو ما جيتي حأعتبر انتي السبب في اللي صار ..
لو جيتي حأسـامحكـ .. تقول لا حرام عليكي وانا : نياهاهاهاهاها ..
في النهاية جو بنتين بس و استقبلتهم بأصباعي المكسور ..
واحنا نطفح بالعافية … بابا ارسلي عصاية أو عكاز وربي زي حق العجايز <_<
مع أخويا الصغير و صحباتي الأوفياء جالسين يضحكوا عليا ..
خلصت الإجازة و أصباعي لسا ما اتعـافي .. أخدت إجازة مرضية لمدة أسبوع ..
غبت الأسبوع كلهـ ما عدا الثلاثاء .. ورجعت غبت الأربعاء ..

في النهـاآية أحب أقولكمـ أنه سبـاآيو بأتم صحة وعافية ولله الحمد ^,^

شكرا سوسو تشان لأنكـ كسرتيلي أصباعي و صار عندي ذكرى لا تنسى ..
بالرغم انها مو مرة كويسة لكن ما زلت أحتفظ بها في أعماآق ذاكرتـي 😛
تحـيـاآتي .., سبـاآيو ..