عنّي

بسم الله الرحمن الرحيم

اسمي أفنان أُعرف بـ سبايو أو Spy Girl

بالإضافة إلى …

بفبح أي بنت فاضية + بنت حاسب وهذا اللقب أُطلق علي بواسطة صارخ بصمت

و صاحبة الإصبع المكسور بواسطة أسامة الزبيدي

و نانا – كن بواسطة تومي

و جلنار بواسطة البراء العوهلي

~::~

ايش يعني سبايو ؟ وليش اخترت Spy Girl ؟

سبايو هو اختصار وقبل أن ابدأ أحب أوضح اني اتبريت منه ، نوعا ما 😛 عموما القصة هي انه وانا في المتوسط

افتكر قريت مقابلة مع هاكر سعودي وقف الياهو لسبعة دقايق وهذا يُعتبر إنجاز

المهم انه أثناء كلامه ذكر هاكر اسمه Spy Man عجبني الاسم وحرفته ليناسبني و هكذا =]

خصوصا اني كنت مهتمة بالتهكير 😛 << ومازلت مع اني ما أعرف لشيء فيه

~::~

ولدت في الثامن والعشرين من ديسمبر عام 1993

حاليا أدرس في الصف الثاني ثانوي / علمي ، نظام المقررات ..,

حاليا ( مصيّفة ) و تنتقل الطالبة للصف الثالث ثانوي =]

حاليا أدرس في الصف الثالث ثانوي =)

حاليا أدرس في السنة التحضيرية بجامعة الملك عبدالعزيز =)

درست ترم في كلية التصاميم و الفنون تخصص التصميم الداخلي بعدين سحبت و حاليا استنى ما قد يغير مصيري ~

~::~

اعشق ما يسمى بالـ لغات

من اللغات اللي أعرف أتكلم كم جملة فيها هي اليابانية و الكورية والصينية والجاوية

يعني كلها يمديني ابدأ فيها محادثة أولى و أخيرة حقت كيف الحال ؟ 😛

بس مستوايا في الإنجليزية جيد جدا و اليابانية جيد نوعا ما ولله الحمد =)

~::~

طيب ليش ما اتخصص لغات ؟

أعتقد انه اللغات شيء أفضل لو اتعلمته بدون دراسة ، يعني من نفسي وفي أوقات فراغي

كمان لو درست في اليابان مثلا حآخد من سنة إلى سنتين لغة بعدين اتخصص ( يصير اتخصص لغة برضو ؟ ) 😛

~::~

ليش سويت مدونة ؟

بالنسبة ليا “المدونة هي مكان خاص بي أستطيع فيه أن أعبر عن رأيي بكل أريحية =)

وقبل كل شيء أتمنى أني أقدر أفيد أحد باللي أكتبه هنا ، رغم انه أغلبه مجرد هرج ^^”

لكن أتمنى انه أحد استفاد ، حتى لو ضحكة D=

~::~

تقدروا تعرفوني أكثر بقراءة دي التدوينة =)