كيفية إضافة أيقونات الشبكات الإجتماعية في المربعات الجانبية للمدونة

بسم الله الرحمن الرحيم

انسألت كيف سويت أيقونات الشبكات الإجتماعية اللي عاليسار ..

ما كان عندي وقت أشرحها بس أيام الاختبارات سبحان الله يجي كل الوقت لفعل كل شيء 😛

مرة سهلة الطريقة سواء للوردبريس أو لبلوجر =]

~::~

أول شيء تحتاجوا مدونة << احلفي 😛 أمزح ، تحتاجوا الأيقونات طبعا ..

وحتلاقوا في أيقونتي و Icon Finder .. أيقونات جيدة ، ارفعوها على مدوناتكم أضمن

و حتحتاجوا هذا الكود ( تم تحديث الكود بعد تنبيه من الأخ نعمان )

<a target=”_blank” href=”رابط بروفايلكم في الشبكة الإجتماعية“> <img src=”رابط الأيقونة” /> </a>

مثال

<a target=”_blank” href=”http://twitter.com/iAfnan“> <img src=”https://afnanm.files.wordpress.com/2010/04/twitter-24×24.png” /> </a>

على فكرة إذا تبغوا الرابط يفتح في نفس الصفحة شيلوا الكلام المكتوب بالأزرق

~::~

ووردبريس

1- من لوحة التحكم

2- اسحبوا حق النص من “مربعات متوفرة” إلى “القائمة الجانبية”

3- حطوا العنوان و الكود كرروه على حسب عدد الأيقونات ..

هذا عندي بعد الأكواد و شسمه

و هنا شكله في المدونة =]

~::~

بلوجر

1- من لوحة التحكم ..

2- بعدين اضغطوا على

3- من النافذة اللي طلعت اختاروا

4- اكتبوا العنوان و الكود كرروه على حسب عدد الأيقونات

هذا شكله عندي بعد ما كتبت الأكواد و شسمه

و هنا شكله في المدونة =]

~::~

بس ! مررة سهلة صح ؟ ما يحتاج =/ خلاص حأكنسل الشرح 😛

وبالمناسبة ، تجيني أسئلة من فورم التواصل ..

[ كيف أسوي مدونة ؟ ] ، [ كيف أزبط مدونتي ؟ ] ، [ كيف أرتب المدونة ؟ ] !

كيف تسويها ؟ عالـووردبريس ، على بلوجر .. و أنصح بالووردبريس

كيف تزبطها و ترتبها ؟ جرب واتعلم و حتعرف كيف .. =]

بالتوفيق للجميع .., تحياتي

الأوسمة: مدونة ووردبريس مجانية, مدونة بلوجر, أيقونات, السايد بار, ترتيب مدونة, تزبيط مدونة, شبكات إجتماعية, عمل مدونة