سبـاآيو ..~

بسم الله الرحمن الرحيم
طيب اليوم حاحيكم عن سبايو و طفولتها و ما له علاقة بها ..
اسمها :-
سبـاي بنت جيرل بنت ساكوراسكي .. تلاحظوا انه لا مكان للأباء خخخ كلهم بنات ..,
و تلقب بـ سبايو و بفـبح .., أي اقتراحات أخرى ..!؟
~::~

مولدها :-
ولدت سبايو في الرابع عشر من شهر رجب سنة 1414 الساعة 11  وشيء قبل الظهر يعني 😛
في مدينة من أروع المدن في العالم ألا وهي [ الطايف عروس المصايف ] ..
~::~
طفولتها و حياتها :-
بعد ما انولدت سبايو .. فرح الجميع بما انها أول حفيدة في عائلة ساكوراسكي :]
ثم جا ولد عمها بعد أقل من سنة ينافسها في محبة الجميع <_<
عموما ما زاآلت سباآيو أحسن وحدة 😛 عاشت سنتين من حياتها تقريبا في الطايف ..
ثم انتقلوا إلى جدة حيث أهلهـم و هناك سكنوا في عمارة جدها أبو أمها الغريبة العجيبة ..
حيث كانت عمارة زرقاء ! لان جدها يشجع الهلال زيها خخخ
و كانت هي و أخوها الأصغر منها بسنة و ثلاثة أرباع .. يرموا ألعابهم من البلكونة فتسقط إلى بلكونة الجيران ..
و كانوا يروحوا عند أبوقاسم صاحب محل برجر عالفحم و ياكلوا برجر بالصراصير وهما ما يدروا :/
مرة وهي تشوف جدتها تزرع ما ادري ايش في ربعهم الخالي قالت : هدا خيار ؟ قالت جدتها : لا ..
قالت سبـاآيو : هدا مو خيار .. هدا ايس هدا ؟؟ واااه كيوت ^^”
و عندها قصة رجت السكاآن كل ابوهم فيها و هي انه كان فيه ولد صغير خرج الشارع بدون ما تدري امه
و ما كان لابس جزمة و دعسته السيارة و كان فيه قزاز في الشارع و انجرحت رجله خخخخ
عموما مرة من المراريت دخلت سبايو المدرسة في المرحلة التمهيدية ..
و ولد عمها النشبة معاها في الروضة .. كان عندهم شنط ميكي وميني ماوس مطقمين خخخ
كان فيه ولد يضايقها في التمهيدي و الأبلة الشريرة تخليها تجلس في بقعة مشمسة من الفصل !
ما ادري كيف كانت تفكر .. بالله دي معلمة ..!؟ :”( وحدة طفلة بريئة تجلسها في الشمس ؟
طيب المهم في حفل التخرج من التمهيدي أبوها كان مسافر فما قدرت تشارك 😦
بس حضرت الحفل واخدت هدية :× عبارة عن سبورة وردية ما ادري ايش تبغى ..
و الابتدائي دخلت مدرسة تانية أقرب لبيتهم حيث كانت المدرسة الأولى بعيدة لدرجة انها كانت تنام في السيارة
طبعا هي سجلت متأخر فما لقت مريول على مقاسها و راحت ربع سنة اولى بملابس عادية 😛
بعدين ابوها جاته دورة للرياض و أخدت إجازة من المدرسة و أمها خلت الأبلة تكتب لها الواجبات
حقت شهر قدام <_< عشان تحلها بينما هي في الرياض ..,
الهم خلصت الابتدائي في نفس المدرسة ثم انتقلت إلى المتوسط و كانت المرة الأولى التي تجرب فيها مدرسة حكومية ..
حيث من جهلها كانت تقول لحقت المقصف دادا خخخ عاد اللي تبيع تبغى تقتلها ..
أولى وثاني متوسط مستواها كان زي وجهها بس في ثالث صارت دافورة فجأة و جابت تقريبا 98%
كح كح كح يا راوية بطلي كذب ! جابت 97.80% خلاص انتي وياها استروا ما واجتهم
ثم في الثانوية راحت مدرسة مطورة أو يقالك انها مطورة :/
يلا الحمدلله على كل حال .. على غير ما توقعت جابت نسبة يجي منها ..
وهي الآن في الصف الثاني ثانوي و الله يستر لا ينخسف معدلها من كثر ما تهرج ..,
~::~
إنجازاتها :-
سبايو انسانة مبدعة و لها الكثير من الانجازات .. نذكر منها ما يلي :
1- عضوة مميزة في عالم بنات ..
2- مشرفة في اغلب المنتديات الفاضية والمجانية اللي دخلتها -_-
3- مشرفة في ملتقى الطلاب السعوديين في اليابان
4- زاآئرة مخلصة لمدونة عبدالله سعيد كح كح
5- مدونة ممـتازة بشهادة ولا أحد
6- تأهلت صورتها في أول مسابقة شاركت فيها للتصوير
7- أكثر آل تويتر هرجا 🙂
8- أحسن وحدة في العالم <<< كثري منها ..
و هنا ينتهي مشوار الكذب في انجازات سبايو المنجزة حتى الآن ..
~::~

وفـاآتها :-
أعوذ بالله ! متى اتوفيت يا بنت الحلال ..!؟
يعني في المستقبل .. لمن تتوفى لا سمح الله ادعولها ..
الورث يتوزع كالتالي :-
اللاب حقها يروح لصحبتها .. والهارد لصحبتها الثانية ..,
والكآام لاخوها الصغير اللي امتحنها كل شوية ابغا اصور ..
و المنبه لـخالتها .. شفتوا قد ايش طيبة , الله يحفظها ..,
و ايش كمان ..!؟ امممم المدونة تتقفل و يحتفطوا فيها بنات تويتر للذكرى ..
و حسابها في تويتر ينباع و يذهب ريعه للجمعيات الخيرية خارج السعودية ..,
و في الفيس بوك يتقاسموه تونا و ريكس و صحباتها فيه ..
و فليكر يروح لـ ري ري و هوازن ..
هي قالت لي سر ! عندها حساب في البنك مخصص لأل تويتر .. و حيتقسم عليهم حسب الشرع ..,
اللهم أحسن خاتمتنـاآ ..
~::~
هنـاآ نكون قد خلصنا .. آآه تعبنا :”) الحمدلله ..
أتمنى ما نكون طولنا عليكم ^_^
تحيـاآتنا .. سبايو + الراوية .,
في أمـاآن الله ..

21 تعليق to “سبـاآيو ..~”

  1. غريب_21 Says:

    ماشاء الله … صراحة رواية رائعة بشكل خرافي جدا ( والنية طيبة طبعا ) ..

    بس كيف تكون وفاتها ؟ لابد تكون النهاية مأساوية عشان تصير رواية بطولية رائعة .. 😛

    الله يطول بعمرك على طاعته ويرزقك احسن مما تتمنين ويوفقك لما يحب ويرضى ..

  2. Modidoody Says:

    تشرفنا ^ــــــــــ^

  3. تونا جاوية بالنكهة اليابانية Says:

    هههههههههههههههه سبايو ايش تحسي وانتي تكتبي دا الكلام ؟؟ هههههه

    عموماً والله أحبك يا عسل والله يحفظك ويطول في عمرك ويخليكي لنا يارب

    • Afnan Mohammed Says:

      مدري =/

      ترا تجيني انتكاسة من كدا .. الله يسامحك =(

      <<< اشبها قلبت ؟!

      والله حتى أنا أحبك أكثر كثيرا ^^

      أجمعيين ياارب

  4. fafa.soordila Says:

    يا بت .. من جد مررة ياناااش عليكِ ..

    حبيتك وانا معرفكييييش ^^”

    استمري يا بطة .. والله يوفقك ^^^ <.<

  5. fafa.soordila Says:

    وي … تراآ صاير معايا مشكلة .. -_-

    تاني مرة اكتب كومنت ويطلع ناقص كده ..

    ترا بدات اعصب .. مين اللي بيستهبل معايا كده .. اللاب ولا الووردبريس ولاااا .. @:

    😦 😦

    من جد حاجه تقهر .. بالزات لما تنسي الكلام اللي كنتي كاتباه .. 😦
    يعني .. انو كلو ارتجال :p

    المهم ..

    كنت ابا اقلك الله يوفقك في كل حياتك وفي اختبارتك ..

    ووووسامحيني .. جلست ابربر عندك ×_×

    احووووبك يا بنية ^^

  6. زمان مضى وقلب قضى Says:

    مساااء الخير ,, << مسوي صاحب مقدمات وحركاات هههههههااي

    هلا و غلا
    كيفك اخبارك شلونك وش مسويه وش علوومك << متى المعرفه *_*

    صراحتاً حقيقتاً واقعاً ,, جذبتيني بسواليفك ,, وخليتيني ادخن اكثر 😛

    وبكرا عندي اختبااار وهم ماذاكرت بسببك ,,,
    اساسيات علوم الغذاء والتغذيه <<< ليه طيب تقول شنو المطلوب يعني
    ولوو رسبت ياويلي والله لااشتكيك عند العم محمد ,,,

    بس فله ونااااايس
    بس جد جد جد انتي مو طبيعيه ,, والله بطني يالمني من الضحك ,,,
    دمك خفيف مررره << ليه كم وزنه 😛
    وهم اسلوبك عجبني ,, اسلوب الفله والطفوله اعشقه
    :
    :
    :
    1414 امممم يعني انا اكبر منك ب4 سنين

    بس تعرفي تتكلمي وتسولفي احسن مني ,و^_^

    ربي يحفظك ,,,
    وكااان مرووور عاابر على المدونه
    بس مافكيت منها ساعه ونص اقرا فيهاا من طبخ ونفخ وعجبتني بيتزا الدجاج
    بس منو يعملهاا لي 😦
    الى فله ورحلات ياكلووومبوس جدهـ لووووووول
    ::::
    طبعاُ موضوع التوتير مررره مرره مافهمت منه شي
    يعني انا كولد اسحب من اي منتدى من اي ويب سيتي عااتي
    لانو كل اللي عندي مايتعدو ال20 فريندز بكل موقع
    بس اتوقع هههههههههههههههههههه يعني يمكن لانك بنت واسمك افنان زي علب المويه
    ترووي عطش المسلمين << مسلمين ؟؟ داخل بمعركه مثلاً
    يعني تلهف الشباب على االبنت والهوشه منو يضيفك قبل وهيك اشياااء

    بخصوص 1ذكرياتك هب ثما هب ثما هب كيف تذكري ايام التمهيدي
    انا ايام متوسط مو ذاكرهاا << ماشاء الله لااصكك عين تفو تفو تفو ماشاء الله هههههههههااي
    امسحي الشاشه عشان تشوفي عدل كااااااااااااااااااااااك
    ::::::::::
    عجبتني حيااتك من جد ربي يحفظك ويخليك لعين ترجيك
    عاايشة حياتك بكل ماتحبيه ,,,, ووووو
    ووووو بث تقريباً

    المهم رجووني بالمسن لابد اكلمهم ///
    سيو
    وتمسي على خير
    تحياااتي تسبقهاا قبلااتي

    ////
    من جد انتي اووووووووووووووووووووووووووووووووكي
    نايس تو ميت يو

  7. m7md Says:

    إنجازاتها :-
    سبايو انسانة مبدعة و لها الكثير من الانجازات .. نذكر منها ما يلي :
    1- عضوة مميزة في عالم بنات ..
    2- مشرفة في اغلب المنتديات الفاضية والمجانية اللي دخلتها -_-
    3- مشرفة في ملتقى الطلاب السعوديين في اليابان
    4- زاآئرة مخلصة لمدونة عبدالله سعيد كح كح
    5- مدونة ممـتازة بشهادة ولا أحد
    6- تأهلت صورتها في أول مسابقة شاركت فيها للتصوير
    7- أكثر آل تويتر هرجا
    8- أحسن وحدة في العالم <<< كثري منها ..
    و هنا ينتهي مشوار الكذب في انجازات سبايو المنجزة حتى الآن ..
    ~::~

    سؤالي ,

    وين صورتــك ؟^5^

  8. أنا كـ فاطمة Says:

    يا إلهي .. انتي hilarious
    ضحكت من كل قلبي .. ربي يوفقج ويخليج لنا ولكل من يحبج ..
    اتجنننين ..

  9. јδδđі =) Says:

    آإآإع سبـآإيو آيتهـآإ‘ الفتـآإه الشريرهَ 🙂
    وربيَ حبيتك من جد خخخخخخخخخ دخلتي قلبيَ واللهيَ , ,
    وتدوينـآإتك شيَ خورآإفي مشاللـه XD
    يختيَ حمستينيَ للحيـآإه ههههههههههه> قويـه ولا ؟ خخخ
    آإحم آيوآ ترى عملتلك فولو ع التمبلر والتويترَ ^ ^
    وآإنشاللـه نكونَ صحبـآإتِ , ,
    ووآإصلـِـِي روآيآتك وآستهبآإلاتك القميلـه يآ قميله 🙂
    وآنشالله آكون متآبعـه ليكيً ^ ^
    جـآإ‘ نىـآإ =)

  10. Zoomxd Says:


    ههههههه جمييل ، و الطريقة لزيزةة

  11. KashKoli Says:

    أثار انتباهي جملة “و في الفيس بوك يتقاسموه تونا و ريكس و صحباتها فيه ..” 😥

    مدونة لزيزة وشسمه عجبتني المواضيع اللي فيها وكمية التحشيش المتكررة و .. وبس 🙂

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s