ذكرى انكسار أصباعي :”(

بسم الله الرحمن الرحيم
اللي حأكتبه دحين ما حيفيدكمـ بشيء يعني مجـرد فضفضة ..
في أول خميس من إجازة الحج اللي راحـت انكسر أصباع قدمي اليمنى ما قبل الأخير ..
اللي خلاني أفتكر هو الألم المشابه اللي جاني أمس ..
لمن فكرت في الموضوع كأنه أصباعي يحاول يحيى الذكرى ..

الحـاآدثة :-
في يوم الخميس .. كنت قد دعوت صحباتي لبيتي .. و أثناء ماني منشغلة بـدعوة سوسوتشان ..
اللي كلمتها عشرومية مرة في داكا اليوم و مي راضية تجي <_<
المهم كنت في الصالة و ابغا اروح الغرفة عشان اكلم سوسو تشان فـأطلقت العنان لسيقاني ..
و إذا بي أصقع قدمي في طرف الكنبـة .. آآآه .. أطلقت صرخة رهيبة من الألم .. لم أفكر للحظة انه انكسر ..
كنت أعتقد انه أسوأ شيء ممكن يصير انه ينجرح ..لكن لمن طالعت في رجلي ..
اتفاجعت بأصباعي ما قبل الأخير طالع فوق الأخير ..
صـورة للتوضيح .. رسمتها بالبن تول ( طبعا ولا وحدة قدم طبيعية بس …)
أول ما شفت المنظر ناديت ماما و أخويا : أصبااعي انكسر !! و انتابتني نوبة ضحك هستيرية على شكله
أخويا قاعد يهزأني – مع العلم انه أصغر مني – يقول هبلة لا تضحكي أصباعك انكسر ..
اتصلوا على بابا .. و ماما قالت للشغالة تحط على أصباعي زيت زيتون ..
ماما كان على بالها قوى ماوراء الطبيعة هههه ..
دحين انا خلاآص ماني قادرة اميز اللي أشوفه بجد دايخة .. و عرقي يتصبب ..
مو من الحر .. لا من الألم المُخدِر .. جاء بابا و لبسوني العباية ..
طبعا ما أقدر أمشي الين السيارة وكيف حأنزل من درج العمارة ؟؟
فبـابا الله يحفظه .. شالني ووداني السياآرة <<< قلكـ رشيقة خخخ تراني من جنبها ..
لمن وصلنا المستشفى ركبوني في عربية .. و انطلقت إلى غرفة الأشعة ..
سويت الأشعة بعد الإنتظار و طلع أصباعي الحبيب مو بس مكسور كمان مفصول ..
يعني العظمة انكسرت و المفصل انفصل << فيه أحسن من كدا شرح ؟؟
رحت عند الدكتور عشان يصلحه .. قال : ايش صار ؟
قلتله اني كنت أجري وصقعت .. الدكتور مو بس فطس ضحك ..
تخيلوا وحدة مغطية تقوله أجري و أصقع ؟؟
شكلي كـاآن من جد لا أحسد عليه خخخ
و هو يعدله انا ماسكة ذراع بابا عشان لا اتألم زيادة ..
مسكين غرزت أظافري فيهـ 😦 .. خلاص سواه وغلفهـ ..
ورحنا الإنتظار و بابا راح يجيب الأدوية ..
و انا استنى شفت بنت الحمدلله حالتها أسوأ مني بمليون مرة ..
ما أفتكر الصراحة ايش كان عندها بس شيء مررة مو كويس أظن ارتجاج في الدماغ ..
وقتها حمدت ربي انهـ جات على أصباع 🙂
الحمد والشكر لكـ ياآرب ..
رجعت البيت و لسا الدعوة قائمة لصحباتي 😛
اتروشت بحكم اني كنت أسبح في بركة من الـ ….
و جات بيبو و كلمت سوسوتشان قلتلها لو ما جيتي حأعتبر انتي السبب في اللي صار ..
لو جيتي حأسـامحكـ .. تقول لا حرام عليكي وانا : نياهاهاهاهاها ..
في النهاية جو بنتين بس و استقبلتهم بأصباعي المكسور ..
واحنا نطفح بالعافية … بابا ارسلي عصاية أو عكاز وربي زي حق العجايز <_<
مع أخويا الصغير و صحباتي الأوفياء جالسين يضحكوا عليا ..
خلصت الإجازة و أصباعي لسا ما اتعـافي .. أخدت إجازة مرضية لمدة أسبوع ..
غبت الأسبوع كلهـ ما عدا الثلاثاء .. ورجعت غبت الأربعاء ..

في النهـاآية أحب أقولكمـ أنه سبـاآيو بأتم صحة وعافية ولله الحمد ^,^

شكرا سوسو تشان لأنكـ كسرتيلي أصباعي و صار عندي ذكرى لا تنسى ..
بالرغم انها مو مرة كويسة لكن ما زلت أحتفظ بها في أعماآق ذاكرتـي 😛
تحـيـاآتي .., سبـاآيو ..

8 تعليقات to “ذكرى انكسار أصباعي :”(”

  1. modidoody Says:

    سلامتك
    وذكرى ما تنعاد – ان شاء الله – 🙂

  2. تونا جاوية بالنكهة اليابانية Says:

    مع اني علقت قبل على دي القصة الخونفشارية لكن بأرجع أعلق تاني هع << نشبة

    أول شي ألف سلامة على أوصباعك مرة تانية
    بعدين ايش اللي يضحك هههههههه مو منك من الصربعة اللي انتي فيها
    وكلووو كووووووم والرسمة كوووووووم تااااااني
    ههههههههههه ربي يسعدك ياشيخة

    • Afnan Mohammed Says:

      خخخخخ علّقي قد ما تبغي 😛

      الله يسلمك مرة ثانية وثالثة ورابعة :mrgreen:

      هههههههههه من جد ، صربعة كلمة في محلها ! XD

      آمين ويسعدك تونتي =)

  3. Mohammed Alhoqbani Says:

    سلامات وزين أنها جات على أصبع أحسن من شيء ثاني، بس الي محيرني الكنبة ايش صار لها؟ أعتقد سطحتيها من السطح … هههه

  4. Mousa Almohsen Says:

    أللللللف سلامة عليكِ خيتو أفنان
    ما تشوفي شر إن شاء الله
    حسيت إن أصباعي يألمني وأنا اقرأ
    عساه آخر السوء
    وكل عام وأنتِ بألف خير
    ^_^ ^_^

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s