تعلم أساسيات اللغة اليابانية مع سبـاآيو ^,^

بسم الله الرحمن الرحيم
نص زوار المدونة يعرفوا ياباني ^^
<<  لانه كلهم 2 .. واحد يعرف والتاني لأ هههه
فحبيت أنزل دي التدوينة عشان اللي يبغى يستفيد 🙂
اللي حيستفيدوا منها :-
1- اللي ناويين يدرسوا في اليابان .
2- محبي تعلم اللغات الجديدة .
3- اللي مسافرين لليابان سواء ( سياحة – عمل – لعب .. إلخ )
<< الفاصل أكبر من المدونة كلها خخخ
أول شيء كم معلومة لازم تعرفوها عن اللغة اليابانية ..
تعتمد عالإحترام 🙂
يعني لهجتك مع اللي أكبر منك غير عن اللي أصغر منك
شوفوا الألقاب عشان تتوضح الصورة ..
[ سـاآن ] لما تنادي أحد اول مرة تعرفه …
حتناديه بلقبه + سـاآن .. مثل :- تاناكا – سان
ساآن ., هي الأكثر شيوعا .. واذا كان صاحبك مررة ممكن تناديه باسمه + سان
أو ممكن تناديه باسمه بس .. وهذا اذا مررة أصحاآب 🙂
[ تشـاآن ] غالبـاآ يستخدم للأطفال عامة وللبنات خاصة ..

ما تقدر تقول تشان اذا كانت معرفتك بالشخص سطحية ..

[ كُن ] تستخدم للأولاد غالبا .. وممكن تستخدم للبنات من الرئيس
زي في بليتش لمن آيزن يقول لـ هيناموري ( كُن ) 😛
[ سـاآما ] هدي تستخدم للأغنياء و الرؤساء ذوو المكانة العالية ..
[ سينسي ] تستخدم للمحترف في شغلته ..
مثلا المدرس , الدكتور , النجار , العالِم
زي في دراما كود بلو يقولوا آيزاوا – سينسي 😛
نجي لألقاب المدرسة ..
فيه للي أصغر منك واللي أكبر منكـ ..
[ كوهـاآي ] للي أصغر منكـ ..
يعني أنا لمن أنادي بنت من سنة أولى أقولها ( صفية – كوهاي )
أو مو شرط يعني .. لانها أصغر مني فـمولازم أحترمها ..
اللي قدكـ تنـاآديه ( سـاآن – تشان – كُن ) حسب مزاجكـ 😛
[ سينبـاآي ] للي أكبر منكـ ..
يعني لمن أنادي الطلاب في الملتقى غالبا أقولهم سينباي لانهم أكبر مني ..
سينباي تنقال كمان للي قبلك في الشغلة ..
مثلا أنا جيت اشتغل في شركة .. أنادي الموظفين اللي قبلي بـ سينباي ..
وفيه العديد من الألقاب زي [ دونو ] ما ادري ايش يبغى !!
هدي أهم ألقاب الإحترام و أشهرها في اليابان
يكفيكـ أن تعرف المحدد باللون الأحمر ^^
~::~
نجي لبعض المصطلحات المهمة والشائعة ..,
أول المصطلحات اللي نتعلمها في أي لغة ..
ملاحظـة // عشان تعرفوا النطق الصحيح للكلمات راجعوا هدي التدوينة ..
التحيـة :-
صبـاآح الخير … اوهايو غوزايماسو ohayo gozaimasu
ظهر الخير :؛ و ممكن تستعمل كـ ( مرحبًا ) … كونيتشيوا konnichiwa
مسـاآء الخير … كونبانوا konbanwa
تصبح على خير … اوياسومي oyasumi
أشوفكـ بعدين … ماتا ني mata ne
أشوفك بكرا .. ماتا اشيتا mata ashita
مع السلامة … جـاآ نا ja na أو ممكن جـاآ ني ja ne
غيرهـاآ :-
شكرا … اريجاتو arigatou
عفوا … دومو doumo
آسف … غوميناساي gomenasai
كلمة آسف لها عشرومية مرادف وكلها نفس المعنى بس حسب اللهجة
فيه ( غومين – غومينّي – غومينّا – واري )
المعذرة … سوميماسين sumimasen

تشرفت بلقائك … هاجيميماشيتي hajimemashite

حاليا هدا اللي تحتاجوه .. تمشية حال..
~::~
هنـاآ كم موقع تساعدكم عالتعلم ..
أتمنى تكونوا استفدتوا ^^”
بالنسبة للقواعد .. اذا شفت أحد جـاآد في تعلم اللغة حأنزل تدوينة تضم أهم القواعد ..

بصراآحة بعد ما كتبت التدوينة حسيت اني مالي داعي :/

لان الكثيييييييييييييير اتكلموا عن دا الموضوع

وانا ما جبت شيء جديد 😦

بس حبيت أكتبه ..

في أمـاآن الله

الأوسمة: , , , ,

8 تعليقات to “تعلم أساسيات اللغة اليابانية مع سبـاآيو ^,^”

  1. takahashy Says:

    كونبـآآآوآآ

    روعه يآ قلبو الكلمـآآت جدنن مفيده

    اريقآتو غوزايماس ^^

    اسستمري،،

    جآنآ~

  2. تونا جاوية بالنكهة اليابانية Says:

    أريجاتو جوزايمس سبايو سينسي ^ــ^

  3. fatimah Says:

    موضوع جميل ،،
    و معلومات قيمة ،،

    شكراً جزيلاً ،،

  4. hailah Says:

    اريجاااتوووو فنو :$

    خليتها عندي مفضله

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s